الاختيار الخطأ

تبقى هناك اسئلة قد تدور حولها بالعلم او المجهول .. الدوران الفارغ عادة البعض .. تركيبة غريبة .. تشعر انك امام شخص " فاضي " كلامه وايد .. لكنه ما يعرف يجمع حرفتين مع بعض .. يعني بعضهم مفلس والفلس .. ساس البلاء .. المتمكن بالافلاس . لا تجد لبعض هؤلاء مبررات .. ولا مخارج او علامات . امامه توهان عميق وطويل ..مثل حفر الشوارع .. يدعي انه ضليع بعلم الفلك .. بالحقيقة هو ضايع لكنه ما يعرف بالضبط شي يكون .. او شنهو يبغي .. في الحضور غايب .. الكلام " بارد " والتصرفات " عمياء " الخيبه تلحق الخايب ..واذا صار هناك موقف " بايخ " فهذه " البياخة تطلع اغلى من بيع السوق !!.مركز يليق ما يليق هذا نوع من الـــ" الخراب " لونه " مزركش " يعني له ما يريد .. ويتصور انه " حضن " الدنيا ومن فيها "يحلم وان الحلم مربع .. هو طاير ..يتمنى يصير " سندباد " يطير فوق كل وزارة .. بين مجموعة من الموظفين يأشر بالامر .. وهم السمع والطاعة .. وبالكلام الخفيف .. والكلام المعسل .. و يادهين لاتنكبين!!!.حالة من حالات النشاز ..صاحبنا يحاول يعزف العود و دة حتى لو يغني .. يا استاذ انت ما تصلح .. صوتك خربان.. تاثر من الزمن وسنينه .. لا تظن ان اذا عتق الصوف.. سالفة راحت .. يبقى كل طير بطيوره طاروا .. و المسكين قاعد ينطر متى يطير .. " زعل " وقبل لا يرضى .. الله طيرة .. وريح الموظفين منه !!.في كثير من الاحيان يكون المسؤول شكله عبارة عن " كآبة " في حياة الموظفين .. صداع وعوار راس " .. حين تقابله تتقابل معاه " بالصدفة " تشعر انه يملك قدرا كبيرا من الاستفزاز .. يريد يقولك كلام لكنه في اللحظات الاخيرة يسكت " اكيد ضاعت منه بعض ابجدية " السخرية .. حتى يحس الشخص اللي امامه بكامل الاحباط .. خصوصا اذا كان هذا المسؤول .. منرفز .. متهاوش مع احد في البيت .. يتعامل معاك بنوايا " شريرة " ولكنك تضيق حالته في توهان دائم من القلق لان في حقيقة نواياها ما تعرف متى موعد " شره " !!.لست هذا الشخص غريب .. انما هو نموذج في اغلب الوزارات او المدارس او في الجامعة .. نماذج .. تاخذ تستحق " تاخذ لها استبيان " كيف يتحول الشخص المسؤول .. من شخص طبيعي .. الى شخص اخر .. من علو الغرور ..و النظرة الفوقية .. الجهالة المتصنعة التي ما تعرف ولاتقدر الاخرين الذين يتعاملون معه .. طول ساعات الدوام الحكومي !!.اخر كلام : الاختيار " الخطأ " يصنع .. اخطاء كثيرة على حساب المصلحة العامة !! ...